मध्यंतरी कुडाळ तालुक्यातील पिंगुळी येथे असलेल्या या संग्रहालयाबद्दल वाचले होते. योगायगाने गेल्याच आठवड्यात आम्ही सावंवाडीला गेलो तेंव्हा तिथून हे संग्रहालय फक्त २० किमी वर आहे असे समजले आणि आम्ही मुद्दाम वेळ काढून इथे भेट द्यायचे ठरवले.
येथील ठाकर आदिवासीसमाजाने निरनिराळ्या अकरा लोककला आणि ठाकर जमातीच्या पारंपारिक कलाप्रकारांचे जतन आणि संवर्धन केले आहे.
यामध्ये चित्रकथी, कळसूत्री बाहुल्या, चामड्याचे कठपुतळे, पांगुळ बाळ, पोवाडा, गोंधळ, राधानृत्य आणि ठाकरांच्या आणखी सहा पारंपारिक कला प्रकारांचा समावेश आहे.
श्री.परशुराम विश्राम गंगावणे हे 1975 पासून आदिवासी ठाकर जमातीच्या पारंपारिक कलाप्रकारांचे जतन आणि संवर्धन करत आहेत. त्यांच्या या कार्याची भारत सरकारने दखल घेऊन त्यांना २०२१ मध्ये पद्मश्री देऊन सन्मानित केले.
त्यांचा मुलगा चेतन गंगावणे याने ही परंपरा जतन केली आहे. त्यासाठी त्यांनी Thakar Adivasi Kala Aangan, Museum & Art Gallery निर्माण केली आहे.
कलाप्रेमींनी या उपक्रमास भेट देऊन त्यांना प्रोत्साहित करावे.
www.pingulichitrakathiart.com
- हेमंत पुरोहित.
कोणत्याही टिप्पण्‍या नाहीत:
टिप्पणी पोस्ट करा