कोव्हीडचे तेरावे...

नमस्कार मंडळी !!!

आज आमच्या कोव्हीडचे तेरावे.. म्हणजे अक्षरशः तेरावा दिवस. मी गंम्मत म्हणून तेरावा दिवस म्हणतो कारण आज आम्हाला +ve होऊन तेरा दिवस झाले. साधारण पणे पहिल्यांदा कोव्हीड +ve आल्यावर पहिले काही दिवस खरोखरच मानसिक  व शारीरिकदृष्टीने  क्लेशदायी होते. पण कोव्हीड झालेल्या प्रत्येक व्यक्तीला यातून जावेच लागते. फरक एव्हडाच असतो की एरवी तेरावे एखाद्या जवळचा माणुस गेल्यावर असते व  हा तेरावा दिवस म्हणजे आमच्यातुन कोव्हीड व्हायरस पूर्णपणे गेल्यानिमित्ताने आहे. 

एकदा का तेरावा -चौदावा दिवस झाला की खऱ्या अर्थाने आमचे सुतक संपेल.  

खरंच सुतकच म्हंटले पाहिजे आपल्याला कोणी शिवायचे नाही आपण कोणाला भेटायचे नाही. कोणी काही आणले तरी आपल्या स्पर्श होणार नाहीं असें चार हात लांब ठेवायचे. बाहेर कुठे जायचे नाही.  खरोखरच या आजाराने एकप्रकारे तेरा दिवसांचे सुतकच लागले होते. लोकांमध्ये असूनही आपण कुठेतरी एकाकी होतो. कारण या फेज मधून तुम्हाला एकट्यानेच जायचे असते.

पण एक गोष्ट या काळात आम्हाला कळली की आपल्याला काहीही  झाले तर आपल्याला धीर द्यायला,  मदत करायला असंख्य हात पुढे येतात.

आप्त स्वकियांचे,  मित्र मंडळींचे आपुलकीने - काळजीने फोन करणे. काही हवं नको विचारणे हे सर्व पाहून नकळत मनात आपण आयुष्यात खूप काही कमावलं असल्याचे समाधान मिळते. 

बघता बघता आमचे Home Quarantine चे सतरा दिवस पुढील चारपाच दिवसात संपतील आणि आम्ही परत नवीन उत्साह व नवीन जोशात एका नवीन आयुष्याची सुरवात करू. 

आमच्या या कठीण काळात आम्हाला सर्वतोपरी मदत केल्या बद्दल व वेळोवेळी धीर दिल्याबद्दल आमच्या सर्व मित्र परिवार, शेजारी, ऑफिस मधील सहकारी, आमचे डॉक्टर आणि सर्व नातेवाईकांना मनापासून  धन्यवाद. 🙏🙏🙏

-- हेमंत आणि सरिता. 

कोव्हीड... अचानक आलेला पाहुणा.

Hi all, 

आम्हाला दोघांना गेल्या रविवारी (13 September) covid +ve डिटेक्ट झाला. खरंतर त्या आधीच म्हणजे आधीच्या रविवारी मला एकदा ताप आला होता पण तो आम्हाला नॉर्मल वाटला होता व क्रोसिनने गेलापण.

त्यामुळे विशेष दाखल घेतली नाही.  एक सेकंड ओपिनियन  म्हणून आमच्या फॅमिली डॉक्टरनाही दाखवले त्यांनीही सर्व चेक केले व सर्व नॉर्मल असल्याचे सांगितले. तरीही precaution म्हणून मी दर दोन तासांनी ऑक्सिजन व तापाची नोंद लिहू लागलो.

बाहेर सर्व वातावरण कोव्हीडमय असल्यामुळे 

 मी व सरिता घरीच थांबलो व बाहेर कोणाबरोबर संपर्क टाळला.. घरी कामवाली नसल्याने बाहेर च्या कोणाचा वावरही नव्हता. 

अशातच परत चार पाच दिवसात म्हणजे शनिवारी मला परत 100पर्यंत ताप आला व हिला सर्दी झाली मग आम्ही टेस्ट करून घ्यायची ठरवली. 

मनात जरा धाकधूक होती पण मनाची तयारी केली व निश्चिन्त मनाने आम्ही covid सेंटर मध्ये गेलो.  सर्व प्रथम तिथली स्वच्छता,  व्यवस्था आणि सोय पाहूनच आम्ही खूप रिलॅक्स झालो. 

मला ताप असल्यामुळे माझी रॅपिड अँटीजेन टेस्ट घेतली तर सरिता ची स्वॅप टेस्ट घेतली आणि माझा लगेचच result समाजला व सरिताचा दुसऱ्या दिवशी. 

एकदा का पॉसिटीव्ह रिपोर्ट आल्यावर पुढची सूत्र वेगाने फिरली गेली.  या बाबतीत आमचे डॉक्टर Dr. Rahul Borkar  यांचे आम्हाला खूपच चांगले मार्गदर्शन लाभले.  त्यांनी आम्हाला लगेचच  व्हाट्सअप वर औषधं पाठवली,  तसेच Govt of Goa  Health Dept ची होम आयसोलेशन च्या परवानगी ची लिंक पाठवली व सर्व प्रथम Home Quarantine साठी अँप्लिकेशन अपलोड करायला सांगितला. एकीकडे मी आमच्या सोसायटी कमिटी व इतर मेंबर्सना आम्ही पॉसिटीव्ह असल्याचे कळवले. संध्याकाळपर्यंत कलेक्टर ऑफिस मधून रीतसर Home Isolation Permission चे सर्टिफिकेट मेल वर आले आणि खऱ्या अर्थाने आमची Covid Journey चालू झाली. 

खरेतर त्याच रात्री आमची रागिणी जर्मनीला चालली होती.  तिला आणि तिच्या घरच्यांना  आम्ही पहिल्या पासून ह्याची कल्पना दिली होती.  तरीही ह्या तिच्या जर्मनीला जाण्याच्या चांगल्या बातमी समोर आम्ही आमची covid ची बातमी मुद्दामून कोणा नातेवाईकांना सांगितली नाही. 

नंतरचे चार दिवस म्हणजे अगदी गेल्यावर बुधवार पर्यंत मला रोज एकदा किंवा दोनदा 100 पर्यंत ताप येत होता.  त्यामुळे आम्ही आणि जास्त काही इन्फेकशन नाही ना हे पाहण्यासाठी Inflammatory Marker Panel  Test आणि इतर काही  blood tests करायच्या ठरवल्या. जरा काळजी वाटत होती.  पण मुख्य म्हणजे या इतक्या दिवसात आम्ही मनातून खूप खंबीर होतो आणि अजिबात घाबरलो नव्हतो.  काय असेल  त्याला हसत खेळत सामोरे जायचं असे ठरवलं. Test Reports अपेक्षे प्रमाणे  जरा Inclined होते पण डॉक्टर म्हणाले की सर्वसाधारणपणे असेच results येतात. रिपोर्ट आल्यावरवर पुढची टेस्ट म्हणजे HRCT स्कॅन - थोडक्यात फुफुसांना काही इन्फेकशन नाही ना हे पाहण्यासाठीची ही टेस्ट. त्यात सरिताचा स्कोर 5 म्हणजे माईल्ड व माझा 8 म्हणजे बॉर्डरवर आला.  डॉक्टरांनी काळजी करण्यासारखे नाही म्हणून सांगितले व आहे तोच औषधांचा कोर्स चालू ठेवला. गंम्मत म्हणजे HRCT केल्या दिवसापासून माझा ताप गेला.  गेले तीन दिवस झाले आम्हाला एकदाही ताप आला नाही. त्यामुळे आज आम्ही आमच्या नातेवाईकांना सांगण्याचे ठरवले. 

या काळात आम्हाला माझे ऑफिसचे सहकारी,  मित्र व आमच्या सोसायटीतील मेंबर्स यांची खूप मदत झाली. 

एक आठवडा पटकन गेला.. अजुन दोन -तीन दिवसात जरुरी भासली तर आणखी एक टेस्ट रिपीट करू. 

काळजी करू नये... By next week we will be back with Bang!!!

-- हेमंत आणि सरिता.